Міністр замежных спраў Беларусі Сяргей Мартынаў паведаміў, што не абмяркоўваў на сустрэчы са сваім расійскім калегам Сяргеем Лаўровым 22 чэрвеня газавы канфлікт Мінску і Масквы. Кіраўнік МЗС РФ, сваю чаргу, таксама пацвердзіў, што падчас перамоваў з кіраўніком беларускага знешнепалітычнага ведамства "газавая тэма не фігуравала".
Па словах Сяргея Мартынава, ўзрослая напружанасць вакол сітуацыі з пастаўкамі газу ў Беларусь і транзіту «блакітнага паліва» ў Еўропу выклікае шкадаванне, перадае БелТА.
Падчас візіту ў Мінск кіраўнікі МЗС Беларусі і Расіі абмяркоўвалі пытанні фармавання Мытнага саюза і «адпрацоўвалі па максімуме» тыя рашэнні, якія трэба прыняць у рамках МС ў найбліжэйшы час, расказаў беларускі міністр.
«Гэта азначае, што нельга дапусціць дыскрымінацыю ў стасунках, гаворка ідзе аб раўнапраўным удзеле ўсіх трох краін у працэсе стварэння Мытнага саюза. Праца ў гэтым напрамку не завяршаецца», — адзначыў кіраўнік беларускага знешнепалітычнага ведамства.
«Мы разлічваем, што знешнепалітычныя ведамствы дзвюх краінаў зробяць усё, каб дасягнуць вынікаў у гэтай працы», — дадаў, у сваю чаргу, Сяргей Лаўроў.
Як раней паведаміў Тэлеграф, прэзідэнт Беларусі Аляксандр Лукашэнка днём 22 чэрвеня даў указанне перакрыць транзіт расійскага газу ў Еўропу. Раніцай 22 чэрвеня «Газпром» давёў аб’ём абмежавання паставак газу ў Беларусь да 30%. Бакі прад’яўляюць адзін аднаму прэтэнзіі ў сувязі з запазычанасцямі па аплаце паставак і транзіту «блакітнага паліва».
