Статс-сакратар міністэрства замежных спраў Расіі Рыгор Карасін пацвердзіў 21 снежня, што Масква прызнае вынікі прэзідэнцкіх выбараў у Беларусі, на якіх пераканаўчую перамогу атрымаў Аляксандар Лукашэнка. Аб гэтым прадстаўнік МЗС РФ сказаў у ходзе тэлефоннай размовы з паслом ЗША ў Расіі Джонам Баерлі.
«Карасін пацвердзіў прынцыповую пазіцыю, выкладзеную прэзідэнтам Расійскай Федэрацыі Дзмітрыем Мядзведзевым, адносна таго, што прэзідэнцкія выбары ў гэтай краіне з’яўляюцца перш за ўсё ўнутранай справай самой Беларусі, і што Беларусі заўсёды будзе для Расіі адной з самых блізкіх дзяржаў», — распавялі ў МЗС Расіі.
З расійскага боку было таксама адзначана, што місія назіральнікаў ад СНД прызнала выбары, якія адбыліся ў Беларусі, адпаведнымі агульнапрынятым дэмакратычным нормам, паведамілі ў расійскім знешнепалітычным ведамстве.
Карасін: Мінск і Масква актыўна працягнуць усебаковае супрацоўніцтва
Статс-сакратар міністэрства замежных спраў Расіі таксама абмеркаваў выбары, якія прайшлі ў Беларусі з першым намеснікам кіраўніка МЗС РБ Ігарам Петрышэнкам.
«З расійскага боку было падкрэслена, што місія назіральнікаў ад СНД прызнала прэзідэнцкія выбары адкрытымі, якія адпавядаюць выбарчаму заканадаўству Беларусі і агульнапрынятым дэмакратычным нормам», — гаворыцца ў паведамленні МЗС РФ.
«Бакі пацвердзілі цвёрды настрой на актыўны працяг ўсебаковага расійска-беларускага супрацоўніцтва», — адзначылі ў міністэрстве замежных спраў Расіі.
