Міністэрства замежных спраў Беларусі часова спрасціла афармленне выязных беларускіх віз у сувязі з зачыненнем аэрапортаў і паветранай прасторы ў шэрагу краін Еўропы праз аблокі вулканічнага попелу ад вывяржэння вулкана ў Ісландыі. "У выніку гэтых рызыка-мажорных акалічнасцяў шматлікія замежнікі — пасажыры авіяліній змушана затрымаліся на тэрыторыі Беларусі", — распавялі ў міністэрстве.
Пры гэтым, як падкрэслілі ў беларускім МЗС, у некаторых замежных грамадзян мінуў тэрмін дзеяння беларускіх віз.
«Улічваючы надзвычайны характар здарэння і яго наступстваў, галоўнае консульскае кіраванне міністэрства замежных спраў Беларусі па ўзгадненні з дэпартаментам па грамадзянстве і міграцыі міністэрства ўнутраных спраў увяло для замежных грамадзян у перыяд з 16 да 20 красавіка часовае спрашчэнне афармлення беларускіх віз», — гаворыцца ў паведамленні прэс-службы міністэрства.
Такім чынам, замежныя грамадзяне, якія маюць «праязныя дакументы з беларускай візай з мінулым тэрмінам дзеяння, павінны звярнуцца ў тэрытарыяльныя падраздзяленні па грамадзянстве і міграцыі па месцы свайго знаходжання ў будныя дні ці суботу або ў кіраванне па грамадзянстве і міграцыі ГУУС Мінгарвыканкама (220005, г.Мінск, пр-т Незалежнасці, д. 48 Б, тэл. 331-91-74) у нядзелю».
«Пры гэтым неабходна мець пры сабе дакументы, якія пацвярджаюць наяўнасць магчымасці выезду з тэрыторыі Беларусі да тэрміна сканчэння дзеяння візы (напрыклад, авіябілеты з мінулым тэрмінам дзеяння, пацверджанне сапраўднай броні на квіткі)», — паінфармавалі ў ведамстве.
