Міністэрства замежных спраў Беларусі здзіўлены рашэннем аргкамітэту Мюнхенскай канферэнцыі па бяспецы ануляваць запрашэнне на форум беларускаму міністру замежных спраў Сяргею Мартынаву. Аб гэтым распавёў прэс-сакратар беларускага знешнепалітычнага ведамства Андрэй Савіных.
Штогадовая Мюнхенская канферэнцыя па бяспецы павінна прайсці 04-06 лютага. Рашэнне аб скасаванні запрашэння кіраўніка МЗС Беларусі прыняў пастаянны старшыня канферэнцыі Вольфганг
Ішынгер «на знак пратэсту супраць сітуацыі з правамі чалавека ў аўтарытарна кіраванай краіне».
Вольфганг Ішынгер лічыць, што пасля падзей 19 снежня ў Беларусі «нельга паводзіць сябе так, быццам нічога не здарылася».
МЗС не атрымліваў афіцыйнай інфармацыі аб забароне на ўезд у Польшчу Лукашэнку і чыноўнікам
Акрамя таго, Андрэй Савіных паведаміў, што беларускі МЗС пакуль не атрымліваў афіцыйнай інфармацыі аб увядзенні забароны на ўезд у Польшчу шэрагу беларускіх чыноўнікаў. Па словах прадстаўніка міністэрства, у беларускім ведамстве да гэтага часу не змаглі па афіцыйных каналах пацвердзіць інфармацыю аб забароне на ўезд.
Як ужо перадаваў Тэлеграф, афіцыйная прадстаўніца МЗС Польшчы паведаміла, што Варшава ўжо падрыхтавала ўласны спіс прадстаўнікоў беларускага рэжыму, якім забаронены ўезд у краіну, які ўжо ўступіў у дзеянне.
Акрамя таго, у МЗС Польшчы адзначылі, што акрамя ўласнага спісу, Варшава таксама актыўна ўдзельнічае ў абмеркаванні спісу асобаў, якім можа быць забаронены ўезд у Еўрасаюз.
Па матэрыялах: БелаПАН
