Каля вёскі Калодны (Столінскі раён, Берасцейская вобласць) мікрааўтобус са школьнікамі, якія ехалі на цэнтралізаванае тэставанне ў Пінск, патрапіў у аварыю. За рулём мікрааўтобуса знаходзілася маці аднаго з хлопчыкаў, якая везла свайго сына і яго сяброў у Пінск.
Як паведамілі ў Берасцейскім абласным ДАІ, кіроўца мікрааўтобуса стала абганяць велікагрузную фуру, але не паспела праскочыць і сутыкнулася з легкавой Audi, якая ехала па сустрэчнай паласе, перадае «Народная воля«.
Кіроўца і пасажыры мікрааўтобуса сур’ёзных траўмаў не атрымалі, толькі сінякі. Кіроўцу і пасажырцы Audi, жонцы кіроўцы, пашанцавала менш. 51-гадовага мужчыну ў цяжкім стане даставілі ў лякарню, а яго жонка ад атрыманых траўмаў памерла на месцы аварыі.
Как вам новость?
Выбор читателей