Супрацоўнікі ўпраўлення па барацьбе з арганізаванай злачыннасцю і карупцыяй выявілі ў Шчучынскім раёне Гарадзенскай вобласці падпольную лабараторыю па вырошчванні канопляў. Пра гэта паведаміў начальнік прэс-службы УУС Гарадзенскага аблвыканкама Георгі Еўчар.
Лабараторыя знаходзілася ў непрыкметным на першы погляд хляве брата 31-гадовага жыхара вёскі Вялікае Мажэйкава Шчучынскага раёна. Тым не менш, унутры мужчына абсталяваў наркалабараторыю па апошнім слове тэхнікі — усталяваў святло-, цепла-і гукаізаляцыю, сістэму асвятлення з часавымі датчыкамі, кандыцыянер, прыборы для вымярэння вільготнасці і цяпла, а таксама разнастайныя фільтры.
Праваахоўнікі канфіскавалі з наркалабараторыі 36 кустоў канапель агульнай масай больш за 27 кілаграмаў. Акрамя таго супрацоўнікі міліцыі выявілі і канфіскавалі ўжо высушаную траву, гатовую да ўжывання.
«Відавочна, што такі аб’ём наркасыравіны арыентаваны не на аднаго чалавека, а на групу. Таму цяпер аператыўнікі праводзяць у дачыненні да затрыманага комплекс мерапрыемстваў па ўсталяванні ўсіх звёнаў ланцугу, які не стае: вытворца — пакупнік — наркаман — спажывец», — паведаміў Георгі Еўчар.
