У Магілёўскай вобласці турыстычны аўтобус урэзаўся ў трактар. Як паведамілі ва УУС Магілёўскага аблвыканкама, у выніку ДТЗ 16 чалавек атрымалі траўмы. Здарэнне адбылося 3 жніўня прыкладна ў 16:15 ў Горацкім раёне на трасе Княжыцы — Горкі — Леніна.
Трактар з прычэпам, які перавозіў лесаматэрыялы, выехаў на сустрэчную паласу пасля таго, як у яго лопнула левае пярэдняе кола, і сутыкнуўся з турыстычным аўтобусам «Крым — Горкі», перадае БелаПАН.
У выніку траўмы рознай ступені цяжкасці атрымалі 12 пасажыраў і два кіроўцы аўтобуса, а таксама трактарыст і яго пасажыр.
Как вам новость?
Головоломки
Выбор читателей