На пазабіржавым рынку курс даляра дасягнуў адзнакі ў шэсць тысяч рублёў, у той час як з раніцы 13 траўня рынак адкрыўся каціроўкамі 5,5-5,6 тыс. рублёў за даляр. У сваю чаргу аналітыкі адзначаюць, што гэта не канчатковая кропка.
Аднак, як лічыць старшыня Асацыяцыі малога і сярэдняга прадпрымальніцтва Сяргей Балыкін, калі ў краіне не пачнуцца эканамічныя рэформы, курс беларускай валюты і далей будзе зніжацца, перадае АФН.
Як ужо перадаваў Тэлеграф, пасля адмены Нацыянальным банкам Беларусі абмежаванняў па валютным курсаўтварэнні для продажу валюты насельніцтву да раніцы 12 траўня ўсе камерцыйныя банкі зрабілі фактычную дэвальвацыю беларускага рубля прыкладна на 30%. Тым не менш, Нацбанк адмяніў свае абмежаванні не цалкам і настойліва рэкамендаваў камерцыйным банкам ўтрымліваць курс даляра на адзнацы не вышэй за 4000 рублёў.
Як паведаміла Тэлеграфу крыніца ў банкаўскіх колах, у выпадку адмены Нацбанкам сваёй апошняй рэкамендацыі беларускія камерцыйныя банкі гатовыя ўсталяваць курс даляра на ўзроўні 5000 рублёў.
