Нацыянальны банк Беларусі настойліва рэкамендаваў беларускім банкам асцярожней ставіцца да рэшты валютных запасаў. Акрамя таго, у галоўным банку краіны паведамілі аб узмацненні жорсткасці працэдуры пакупкі банкамі валюты для задавалнення попыту насельніцтва. Ліст адпаведнага зместу за подпісам намесніка старшыні Мікалая Лузгіна Нацбанк разаслаў у банкі краіны.
«Пачынаючы з лютага 2011 года банкі на працягу справаздачнага месяца набываюць на біржы за кошт уласных сродкаў замежную валюту на суму, не больш чым сума чыстага сальда прададзенай насельніцтву замежнай валюты, якое ўтварылася за справаздачны месяц», — гаворыцца ў лісце, перадае АФН.
У Нацбанку таксама папрасілі размеркаваць ціск на рэшткі валютных рэзерваў. «Рэкамендуем ажыццяўляць куплю ўказанай замежнай валюты раўнамерна на працягу месяца. Апошнім днём куплі дадзеных сродкаў за справаздачны месяц з’яўляецца трэці працоўны дзень месяца, наступнага за справаздачным», — адзначылі ў Нацбанку.
Як паведамляў Тэлеграф, старшыня Нацбанка Пётр Пракаповіч заявіў, што ніякіх абмежаванняў на куплю замежнай валюты для фізічных асоб у Беларусі ўводзіць не плануецца. Па яго словах, у цяперашні час насельніцтва ў лішку забяспечана валютай. За 2010 год абарачэнне валюты склала больш за 15 млрд. даляраў.
