Нацыянальны банк Беларусі пракаментаваў рашэнне рады дырэктараў Міжнароднага валютнага фонду пра вылучэнне заключнай часткі крэдыту па праграме stand-by у памеры каля 670 млн. даляраў. "Неабходна адзначыць, што яна (праграма stand-by) згуляла адну з ключавых роляў у стабілізацыі эканомікі Беларусі ў 2009 — пачатку 2010 года", — заявілі ў НББ.
Акрамя таго, у кіраванні інфармацыі Нацбанка адзначылі, што праграма stand-by «дазволіла падтрымаць стабільнасць на валютным рынку, забяспечыць вялікую ўстойлівасць фінансавай сістэмы, падтрымаць упэўненасць інвестараў і хатніх гаспадарак».
«Падчас паседжання выканаўчыя дырэктары адзначылі значны прагрэс, дасягнуты Рэспублікай Беларусь у працы па аднаўленні эканомікі пасля глабальнага крызісу, а таксама падкрэслілі паспяховую рэалізацыю нашай краінай параметраў і ўмоў праграмы stand-by», — гаворыцца ў паведамленні НББ.
Як распавялі ў Нацбанку, рада выканаўчых дырэктараў МВФ «таксама адзначыла адпаведнасць макраэканамічнай сітуацыі, якая склалася ў Беларусі, правадзімай кіраўніцтвам краіны грашова-крэдытнай і бюджэтна-падатковай палітыкі».
Пасля вылучэння апошняга транша крэдыту агульны аб’ём нададзеных Фондам Рэспубліцы Беларусь фінансавых рэсурсаў у рамках названай праграмы склаў каля 3,46 млрд. даляраў.
«Чакаецца, што эксперты місіі МВФ прыбудуць у Мінск у маі 2010 года для падвядзення канчатковых вынікаў выканання праграмы stand-by і правядзення перамоў па абмеркаванні далейшага супрацоўніцтва Рэспублікі Беларусь з МВФ», — дадалі ў Нацбанку.
