Нацбанк: уклады беларусаў за год выраслі на 26,5%

14.01.2011 09:58
Архив Редакция

У 2010 годзе рублёвыя і замвалютныя ўклады насельніцтва ў банках Беларусі выраслі больш чым на 4,8 трлн. рублёў (1,6 млрд. даляраў), або на 26,5%, склаўшы на пачатак студзеня 2011 каля 23 трлн. рублёў (7,6 млрд. даляраў). Аб гэтым карэспандэнту Тэлеграфа паведамілі ва ўпраўленне інфармацыі Нацыянальнага банка краіны.

З улікам жа ўсіх прыцягнутых банкамі сродкаў (нерэзідэнтаў, ад размяшчэння ашчадных сертыфікатаў і аблігацый) гэты паказчык склаў 24,3 трлн. рублёў (8,1 млрд. даляраў), павялічыўшыся за год на 5,6 трлн. рублёў (1,8 млрд. рублёў). У сярэднім на аднаго жыхара Беларусі прыпадае 2,56 млн. рублёў, або 855,3 даляра, зберажэнняў у банкаўскіх укладах і сертыфікатах.

Як адзначылі ў Нацбанку, дэпазіты ў рублях ў 2010 годзе выраслі з 8 трлн. рублёў (2,6 млрд. даляраў) да 9,8 трлн. рублёў (3,2 млрд. даляраў), у замежнай валюце — з 3,5 млрд. даляраў да амаль 4,4 млрд. даляраў у эквіваленце.

Як раней паведамляў Тэлеграф, старшыня праўлення Нацбанка Пётр Пракаповіч заклікаў беларусаў несці зберажэнні ў банкі. «Я хацеў бы параіць грамадзянаў, якія захоўваюць грошы дома, усё роўна ў беларускіх рублях ці ў іншай валюце, прынесці іх у банк. Па-першае, там забяспечваецца захаванасць зберажэнняў, па-другое, налічваюцца працэнты. Тады гэтыя грошы будуць выкарыстоўвацца для эканомікі, для таго, каб наша жыццё палепшылася», — адзначыў ён.