У студзені — ліпені 2010 года ўнёскі насельніцтва Беларусі ў рублях і замежнай валюце выраслі больш чым на 3,4 трлн. рублёў (на 18,9%). Такім чынам, на пачатак жніўня аб'ём унёскаў склаў амаль 21,6 трлн. рублёў, паведамілі ў кіраванні інфармацыі Нацыянальнага банка Беларусі.
За мінулыя сем месяцаў унёскі ў нацыянальнай валюце выраслі на 2,7 трлн. рублёў (34,1%) і склалі больш за 10,7 трлн. рублёў. Унёскі ў замежнай валюце павялічыліся на 98,7 млн. даляраў, (2,8%) і склалі 3,64 млрд. даляраў. Пры гэтым за мінулы месяц яны выраслі на 149,7 млн. даляраў (4,3%). Унёскі ў нацыянальнай валюце ў ліпені павялічыліся больш чым на 581 млрд. рублёў (5,7%).
Як паведамілі ў Нацбанку Беларусі, рост унёскаў (асабліва ў нацыянальнай валюце) з’яўляецца прыкметай «падвышэння даверу насельніцтва да банкаўскай сістэмы і правадзімай узважанай адсоткавай палітыцы, накіраванай на забеспячэнне прыбытковасці зберажэнняў і пашырэнне даступнасці крэдытных рэсурсаў». Пры гэтым адсоткавыя стаўкі па дэпазітах у нацыянальнай валюце па-ранейшаму застаюцца прывабнымі і перавышаюць як узровень інфляцыі, так і прыбытковасць зберажэнняў у замежнай валюце, адзначылі ў галоўным банку краіны.
