Нацбанк: задачы эканамічнага развіцця напружаныя, але дасягальныя

09.03.2011 13:06
Архив Редакция

Задачы, вызначаныя стратэгіяй развіцця банкаўскага сектару беларускай эканомікі на 2011-2015 гады, у Нацыянальным банку Беларусі лічаць напружанымі, але дасягальныя. Як адзначылі ў Нацбанку па выніках пашыранага пасяджэння праўлення, банкаўскі сектар будзе гуляць істотную ролю ў эканамічным развіцці краіны ў цяперашняй пяцігодцы.

Стратэгія развіцця банкаўскага сектара эканомікі на 2011-2015 гады, ухваленая на Усебеларускім народным сходзе, стане ключавым дакументам для развіцця банкаўскага сектара краіны. Абумоўленыя ў дакуменце прыярытэтныя напрамкі і параметры будуць штогод улічвацца пры распрацоўцы праекту асноўных напрамкаў грашова-крэдытнай палітыкі Беларусі.

У бліжэйшыя ж пяць гадоў плануецца, што інструменты грашова-крэдытнай палітыкі будуць выкарыстоўвацца ў першую чаргу для забеспячэння ўстойлівасці нацыянальнай валюты. У працэнтнай палітыцы Нацбанка асноўным прынцыпам па-ранейшаму застанецца падтрыманне працэнтных ставак у рэальным выражэнні на дадатным узроўні, што будзе забяспечваць захаванасць і прывабнасць рэсурсаў у нацыянальнай валюце, а таксама даступнасць фінансавых рэсурсаў для суб’ектаў эканомікі.

У Нацбанку разлічваюць, што актыўнае прыцягненне замежных рэсурсаў у банкаўскі сектар Беларусі будзе спрыяць прытоку сучасных банкаўскіх тэхналогій і пашырэнню інвестыцыйных магчымасцяў банкаў краіны. У Нацбанку лічаць магчымым пашырыць фінансавае пасярэдніцтва банкаў за кошт аперацый з акцыямі, аблігацыямі і іншымі фінансавымі інструментамі, а таксама за кошт развіцця інстытута давернага кіравання маёмасцю.

«Актыўнасць дадзеных працэсаў будзе залежаць ад шэрагу ўмоваў, у тым ліку інтэнсіўнасці працэсу прыватызацыі і стварэння шырокамаштабнага прыватнага сектару, забеспячэння высокай прывабнасці краіны для доўгатэрміновых інвестыцый, развіцця і лібералізацыі фінансавага рынку, дыверсіфікацыі пераліку аб’ектаў інвеставання пры даверным кіраванні маёмасцю», — растлумачылі ў Нацбанку.

Нацбанк: да 2015 годзе аб’ём актываў банкаў Беларусі можа дасягнуць 85% да ВУП

У выніку гэтага, лічаць эксперты Нацбанка, за будучыя пяць гадоў банкаўскі сектар Беларусі зможа значна нарасціць свой фінансавы патэнцыял. Паводле прагнозаў, аб’ём актываў беларускіх банкаў можа павялічыцца не менш чым у 2,3 разы і дасягнуць 85% да ВУП. У сваю чаргу патрабаванні банкаў да эканомікі павінны ўзрасці як мінімум у 2,7 раза, а аб’ём банкаўскіх паслуг — у 3,5 раза.

Акрамя таго, на пасяджэнні праўлення Нацбанка разглядаліся і іншыя напрамкі дзейнасці банкаўскай сістэмы краіны. Плануецца, што за 2011-2015 гады банкаўскі сектар Беларусі па свайму развіццю наблізіцца да паказчыкаў краін Цэнтральнай і Усходняй Еўропы.

«Банкі будуць эфектыўна, якасна і ў поўным аб’ёме задавальняць хутка растучы попыт эканомікі на інвестыцыйныя рэсурсы. Нараўне з нарастаючым прыцягненнем замежнага капіталу ў форме прамых замежных інвестыцый гэта створыць неабходныя ўмовы для падтрымання ў краіне ўстойлівых тэмпаў эканамічнага росту», — заявілі ў Нацбанку.