Плануецца, што першы састаў з венесуэльскай нафтай прыбудзе на ААТ "Нафтан" вечарам 31 ліпеня. Пра гэта паведаміў намеснік генеральнага дырэктара прадпрыемства Мікалай Каўбасенка. У цяперашні час на заводзе праводзяць падрыхтоўчыя працы да зліву нафты ў спецыяльныя рэзервуары.
Першая партыя нафты будзе дастаўляцца на завод паэтапна на працягу некалькіх дзён, растлумачыў Мікалай Каўбасенка. Ён таксама распавёў, што ў найбліжэйшыя некалькі месяцаў на завод павінна паступіць яшчэ адна партыя нафты з Венесуэлы, якая будзе дастаўлена транзітам праз Эстонію, перадае БелТА.
Як раней паведамляў Тэлеграф, шосты і сёмы танкеры з нафтай для Беларусі ўжо выйшлі з Венесуэлы. Чакаецца, што шосты танкер прыбудзе ў порт Адэсы для перавозкі нафты транзітам праз Украіну 1 жніўня. Сёмы танкер павінен прыбыць 8 жніўня ў эстонскі порт Мууга для далейшай транспарціроўкі нафты ў Наваполацк на ААТ «Нафтан».