Прызначаны на пачатак лістапада візіт у Беларусь міністра замежных справаў Польшчы Радаслава Сікорскага сведчыць аб росце цікавасці да краіны. Пра гэта 26 кастрычніка заявіў лідар кампаніі «Гавары праўду!», Прэтэндэнт на пасаду прэзідэнта Уладзімір Някляеў. Паводле яго слоў, «гэта вельмі важна, бо ніколі Беларусь перадвыбарная не выглядала настолькі гатовай да пераменаў».
«Спадзяемся, прыезд кіраўніка польскага МЗС — толькі адна з першых ластавак. Што наперадзе — павелічэнне цікавасці ў ЕС да Беларусі і магчымасць канкрэтнага дыялогу на тэму, чым цяпер ЕС можа дапамагчы Беларусі», — цытуе словы палітыка яго прэс-служба.
У той жа час, на думку Уладзіміра Някляева, «на перадвыбарным шляху ўлада павінна пачуць выразна вымаўленае: калі не будзе сапраўдных выбараў, калі ўлада вырашыць «выйграваць» за кошт ціску, падману і фальсіфікацый, то далейшае супрацоўніцтва з ЕС значна ўскладніцца, а яно краіне цяпер вельмі і вельмі патрэбнае.
