Прызначаны на пасаду амбасадара Польшчы ў Беларусі Лешак Шарэпка яшчэ не прыбыў у беларускую сталіцу. Пра гэта 17 лютага паведаміў Тэлеграфу першы сакратар амбасады Польшчы ў Мінску Павел Марчук. "Спадар амбасадар яшчэ не прыехаў, але ён прыедзе на наступным тыдні. Гэта дакладная інфармацыя", — заявіў прадстаўнік польскай дыпмісіі.
Як ужо перадаваў Тэлеграф, кандыдатуру Лешака Шарэпкі на пасаду амбасадара ў Беларусі ўхваліла камісія польскага Сойма. Раней гаварылася пра тое, што дыпламат можа прыехаць у Мінск у пачатку 2011 года. Аднак неўзабаве Павел Марчук праінфармаваў, што амбасадар прыбудзе ў лютым, паколькі для яго прыезду неабходна вырашыць некаторыя арганізацыйныя пытанні.
Зараз польскай дыпмісіяй ў Мінску кіруе часовы павераны Вітальд Юраш (Witold Jurasz).