Новыя станцыі першай лініі мінскага метрапалітэну плануюць адкрыць у другім паўгоддзі 2011 года. "У цяперашні час ідзе будаўніцтва ўчастка падаўжэння першай лініі ад станцыі "Інстытут культуры" да станцыі "Пятроўшчына". Участак ўключае тры станцыі метро — "Пятроўшчына", "Міхалава", "Грушаўка", — паведаміў начальнік КУП "Дырэкцыя па будаўніцтве Мінскага метрапалітэна" Павел Царун.
Акрамя таго, па словах спецыяліста, актыўна ідуць падрыхтоўчыя працы па перакладцы інжынерных сетак, неабходных для будаўніцтва падаўжэння метро да станцыі «Малінаўка». Яе намечана ўвесці ў эксплуатацыю ў канцы 2013 года, перадае БелТА.
Будаўніцтва станцыі «Малінаўка» ўнясе карэктывы ў рух транспарту на гэтым участку. З 1 лістапада 2010 года аўтамабілісты паедуць па вуліцы — дублёр праспекту Дзяржынскага. «Праспект Дзяржынскага крыху ссоўваецца ў бок вуліцы Яна Чачота. Ніякіх вуліц мы не зачыняем, проста ссоўваем рух. Гэта будзе часовы аб’езд, неабходны для таго, каб пабудаваць і адкрыць у 2013 годзе станцыю «Малінаўка». Цяперашняе скрыжаванне ссоўваецца ў бок мікрараёна Дружба. Ніякага закрыцця дарог не плануецца», — растлумачыў Павел Царун.
Першую лінію метро хочуць працягнуць да Шчамысліцы
«У цяперашні час афармляюцца дакументы на праектаванне будаўніцтва падаўжэння першай лініі метро да станцыі «Шчамысліцы», якая будзе ісці за «Малінаўкай». Арыенціровачная даўжыня дадзенага перагону складзе 2,7 кіламетра», — паведаміў Павел Царун.
Шчамысліца — перспектыўны жылы раён за МКАД, разлічаны на 50 тыс. чалавек. Забудову тэрыторыі плануюць пачаць у 2011 годзе. У Шчамысліцы хочуць размясціць новы нацыянальны футбольны стадыён на 30 тыс. месцаў. Побач са стадыёнам хочуць пабудаваць Нацыянальны выставачны цэнтр.
