Па санкцыях супраць Беларусі Латвія прыслухаецца да рашэння ЕС

12.01.2011 16:05
Архив Редакция

Кіраўнік МЗС Латвіі Гіртс Крыстоўскіс 11 студзеня заявіў, што Латвія будзе выкарыстоўваць санкцыі ў адносінах да беларускіх уладаў згодна з агульнай пазіцыяй Еўрасаюза па гэтым пытанні. Аднак ён адзначыў, што арышты падчас дэманстрацый у Мінску парушылі супрацоўніцтва ЕС і Беларусі. "Латвія, як і ЕС, патрабуе вызвалення затрыманых", - сказаў міністр.

На думку палітыка, эканамічныя санкцыі не прынясуць выніку — неабходна абмяркоўваць візавыя. Таму Гіртс Крыстоўскі не выключае, што візавы рэжым у адносінах да Аляксандра Лукашэнкі і беларускім чыноўнікам будзе жорсткім.

«Я думаю, увядзенне эканамічных санкцый не дасць жаданага выніку. Што тычыцца больш жорсткіх візавых санкцый, то іх варта абмеркаваць, узважыўшы ўсе «за» і «супраць». Мяркую, што больш жорсткі візавы рэжым у дачыненні да Лукашэнкі і беларускіх палітыкаў не выключаны», — цытуе міністра партал tvnet.lv.

У інтэрв’ю выданню старшыня камісіі Сайму па замежных справах, дырэктар Інстытуту Латвіі Оярс Калніньш адзначыў, што неабходна ісці прымаць усе магчымыя меры, для развіцця ў Беларусі дэмакратыі. «Латвія, перш за ўсё, павінна думаць пра жыхароў Беларусі, іх правах і бяспецы», — мяркуе ён.

«Паколькі мы з’яўляемся часткай ЕС, то нам трэба сачыць за тым, якая будзе агульная палітыка Еўрасаюза ў дачыненні да Беларусі. Я не лічу, што ў Латвіі ў гэтым пытанні павінна быць нейкая асобная пазіцыя», — дадаў Оярс Калніньш. Палітык выказаў меркаванне, што ЕС зараз павінен у першую чаргу імкнуцца дапамагчы дэмсілам Беларусі, а не думаць аб пакаранні чыноўнікаў краіны.

Палітолаг і дырэктар цэнтра палітыкі EuroCivitas Віктар Макараў звярнуў увагу на тое, што Латвія мяжуе з Беларуссю, а таму ўзаемаадносіны з дадзенай краінай для яе больш важныя, чым для іншых краін Еўрапейскага саюза. Таму, лічыць ён, адносіны дзвюх дзяржаў неабходна фармаваць на доўгатэрміновай аснове і ўлічваць магчымую змены ўлады. «Новая беларуская ўлада будзе ацэньваць Латвію і па тым, якая была рэакцыя нашай краіны на гады праўлення аўтарытарнага рэжыму», — прыводзіць словы Віктара Макарава ІА «REGNUM».

Палітолаг пералічыў, якія менавіта дзеянні, на яго думку, Латвіі варта распачаць ў адносінах да Беларусі: асудзіць мінулыя прэзідэнцкія выбары як несвабодныя і хвалю пераследу пасля іх; «замарозіць» двухбаковыя праекты і палітычныя сувязі з афіцыйным Мінскам да таго часу, пакуль не будуць вызваленыя усе арыштаваныя; дапамагаць у уцягванні Беларусі ў Еўропу пасля выканання патрабаванняў Еўрасаюза.