Страхавыя кампаніі і тураператар маюць намер аплаціць беларускім турыстам, якія пацярпелі ў выніку ДТЗ у Турцыі, медыцынскую дапамогу, размяшчэнне ў пяцізоркавым гатэлі і кошт пералёту. Пра гэта паведаміў намеснік дырэктара кампаніі тураператара Аляксей Базылеў. Як адзначылі ў пасольстве Беларусі ў Турцыі, стан здароўя ва ўсіх пацярпелых здавальняючы.
Ноч турысты правялі ў адным з гатэляў Бодрума. Тут яны чакаюць вылету ў Беларусь, перадае БелТА.
Як раней перадаваў Тэлеграф, аўтобус з беларускімі турыстамі двойчы перавярнуўся ў Турцыі на дарозе паблізу курорта Бодрум раніцай 14 чэрвеня. У выніку ДТЗ пацярпела 15 чалавек, чацвёра з якіх маленькія дзеці. Аварыя адбылася па дарозе ў аэрапорт, адкуль турысты павінны былі вылецець на радзіму. Прычынай яе стала тое, што кіроўца заснуў за рулём.
