У "чорны спіс" Еўрасаюзу могуць патрапіць суддзі, якія займаюцца працэсамі па "справе аб 19 снежня". Пра гэта паведаміў супрацоўнік прэс-службы вярхоўнай прадстаўніцы ЕС па замежных справах і палітыцы бяспекі Кэтрын Эштан. "Пытанне аб спісах пастаянна разглядаецца, і ў іх могуць быць унесены папраўкі ў святле новай інфармацыі і развіцця падзей", — сказаў ён.
Раней Эштан выказала «глыбокае шкадаванне» з нагоды таго, што 17 лютага «суд прысудзіў да чатырох гадоў зняволення члена выбарчага штаба кандыдата ў прэзідэнты Уладзіміра Някляева спадара [Васіля] Парфянкова, які прыняў удзел у дэманстрацыях, якія рушылі за прэзідэнцкімі выбарамі», перадае БелаПАН.
Эштан падкрэсліла, што «ЕС працягвае ўважліва сачыць за паслявыбарчай сітуацыяй у Беларусі, у тым ліку за маючымі адбыцца судамі, і будзе і далей прадпрымаць намаганні для вызвалення і рэабілітацыі ўсіх палітычных зняволеных». Яна настойліва заклікала «беларускія ўлады забяспечыць справядлівы і адкрыты суд для ўсіх асобаў, абвінавачаных за іх ролю ў прэзідэнцкіх выбарах 19 снежня 2010 года, у тым ліку за ўдзел у паслявыбарных дэманстрацыях».
Акрамя таго, як ужо перадаваў Тэлеграф, Еўрапейскі саюз мае намер пашырыць санкцыі адносна беларускіх чыноўнікаў. Санкцыі будуць нацэленыя на даходы ад дзейнасці нафтаперапрацоўчых фірмаў «Белнафтахім» і «Трайпл», зброевага прадпрыемства «Белтэхэскпарт» і вытворцы калійных угнаенняў «Беларуськалі». Новы пакет санкцыяў плануецца прыняць у красавіку 2011 года.
Як паведамляецца, новыя санкцыі закліканы нанесці шкоду дзяржбюджэту і асабістым даходам Аляксандра Лукашэнкі і набліжаных да яго чыноўнікаў, але не нашкодзіць беларускай эканоміцы і кампаніям Латвіі, Літвы, Нідэрландаў і Польшчы.
Таксама Еўрасаюз мае намер унесці змены ў спіс беларускіх чыноўнікаў, якім забаронены ўезд на тэрыторыю ЕС, напісаўшы недакладнасці і ўнёсшы туды экс-міністра ўнутраных спраў Беларусі Юрыя Сівакова.
