Падчас маніторынгу ўборкі ўраджаю ў сельскагаспадарчых арганізацыях Магілёўскай вобласці Камітэт дзяржаўнага кантролю выявіў парушэнні практычна ў кожнай гаспадарцы. Пра гэта паведаміў начальнік упраўлення кантролю аграпрамысловага, прыродаахоўнага і лесагаспадарчага комплексу КДК Магілёўскай вобласці Вячаслаў Асмалоўскі.
Так, у большасці правераных арганізацыяў Глускага, Клічаўскага і Мсціслаўскага раёнаў супрацоўнікі КДК выявілі парушэнні тэхнічных правілаў закладкі сіласнай масы: яе здзяйснялі без выкарыстання кансервантаў.
Таксама не ўсе правераныя гаспадаркі забяспечылі гатоўнасць вагавой гаспадаркі, кантралёры выяўлялі парушэнні тэхналогіі ўборкі і нарыхтоўкі кармоў. Акрамя таго, не ва ўсіх гаспадарках забяспечвалася неабходная гатоўнасць кормаўборачнай і іншай тэхнікі: часцяком па тэхнічных прычынах здараліся яе прастоі, перадае тэлерадыёкампанія «Магілёў«.
Разам з тым, у КДК адзначылі, што ў цэлым уборачная кампанія ў вобласці прайшла на высокім арганізацыйным узроўні.
