У міністэрстве аховы здароўя Беларусі паведамілі, што колькасць загінулых у выніку выбуху ў мінскім метро павялічылася да 13 чалавек — адзін пацыент, дастаўлены ў лякарню пасля тэракту, сканаў ад атрыманых траўмаў. 13. ахвяра выбуху ў мінскім метро — Анатоль Макейчык 1954 года нараджэння, распавялі ў Міністэрстве аховы здароўя.
Па стане на 06:00 15 красавіка, у гарадскіх больніцах на стацыянарным
лячэнні знаходзіцца 161 чалавек, з іх у цяжкім стане знаходзіцца 21
чалавек, сярэдняй ступені цяжкасці — 28, лёгкай ступені цяжкасці — 112. «Сёння ноччу ў клініцы Мінску памёр яшчэ адзін пацярпелы ў выніку тэракту ў мінскім метро», — цытуе прадстаўніка міністэрства аховы здароўя Беларусі РИА «Новости».
Падрабязнай інфармацыі аб трынаццатым памерлым пакуль няма. На гарачую лінію міністэрства аховы здароўя і Мінгарвыканкама журналісту Тэлеграфа датэлефанавацца не ўдалося.
Па матэрыялах БелаПАН
