Каля 16:00 22 снежня 50-гадовая непрацоўная жыхарка Мінску патэлефанавала ў міліцыю і заявіла, што, паводле наяўнай у яе інфармацыі, у 24:00 невядомыя маюць намер падарваць будынак РУП "Белпошта" ў Гомелі. Як высветлілі падчас следчых мерапрыемстваў супрацоўнікі міліцыі, інфармацыя аб магчымым выбуху была ілжывай, а жанчына, якая тэлефанавала, была моцна п'яная.
Як паведамілі ў аддзеле інфармацыі і грамадскіх сувязяў ГУУС Мінгарвыканкама, 23 снежня ў Ленінскім РУУС Мінску ў дачыненні да жанчыны, якая паведаміла ілжывую інфармацыю, узбуджана крымінальная справа па ч. 1 арт. 340 КК Беларусі (заведама ілжывае паведамленне аб небяспецы), перадае БелаПАН.
Паводле закона, калі віна мінчанкі будзе даказаная, ёй пагражае пакаранне да пазбаўлення волі на тэрмін да пяці гадоў.