У Століне Берасцейскай вобласці 23 снежня пінскія памежнікі сумесна з супрацоўнікамі міліцыі затрымалі не зусім звычайны для зімовай пары груз. У мікрааўтобусе Ford Transit, за рулём якога знаходзіўся жыхар Гомельскай вобласці, памежнікі выявілі 13 цэнтнераў бярозавых пупышак. Суправаджальных дакументаў на дадзены груз ў мужчыны не было.
Як паведамілі ў Дзяржаўным памежным камітэце Беларусі, кошт грузу, які перавозіўся незаконна, складае каля 180 млн. рублёў. Кіроўца пакуль не патлумачыў, куды і з якімі мэтамі ён перавозіў дарагі груз.
У цяперашні час вядзецца разбіральніцтва. Тавар і аўтамабіль даставілі ў міліцыю.
Как вам новость?
Головоломки
Выбор читателей
