У чацвер, 11 сакавіка, Беларусь будзе знаходзіцца ў поле падвышанага ціску, сфармаванага ў халоднай паветранай масе. Чакаецца зменная воблачнасць. Ападкі малаверагодныя. На асобных участках дарог захаваецца галалёдзіца. Вецер няўстойлівы слабы, да 3-8 м/с, уначы па паўночным усходзе краіны парывы да 12 м/с. Тэмпература паветра ўначы -4..-10°С, пры распагоджаннях да -15°С, днём ад -1 да +5°С.
Як паведамляе Белгідраметцэнтр дзясятага сакавіка, «12 сакавіка Беларусь будзе знаходзіцца галоўным чынам у вобласці падвышанага атмасфернага ціску, на поўдні рэспублікі адаб’ецца ўплыў атмасфернага фронту над Украінай».
«13 сакавіка праз тэрыторыю краіны будзе ссоўвацца франтальная частка з Балтыйскага мора. Тэмпература паветра істотна не зменіцца. 12 сакавіка ў паўднёвых раёнах, 13 сакавіка на большай частцы тэрыторыі пройдзе снег. На дарогах месцамі галалёдзіца. 12 сакавіка ўначы і раніцай месцамі смуга», — гаворыцца ў паведамленні Белгідрамета.
