Пракуратура незадаволеная рэцыдывамі злачынстваў сярод амніставаных

16.07.2010 12:51
Архив Редакция

Генпракуратура Беларусі правяла праверкі выканання заканадаўства аб прафілактыцы правапарушэнняў, працоўным і бытавым уладкаванні асобаў, вызваленых ад пакарання ў выглядзе пазбаўлення волі па амністыі ў сувязі з 65-годдзем Перамогі. У ходзе праверак супрацоўнікі пракуратуры выявілі шматлікія парушэнні прафілактычнай дзейнасці органаў унутраных спраў, якія прывялі да высокага ўзроўню рэцыдыўная злачыннасці сярод вызваленых (25,7%).

«Прафілактычная праца органаў унутраных спраў, а таксама кантроль, ажыццяўляецца ГУУС, УУС за выкананнем падначаленымі органамі ўнутраных спраў палажэнняў нарматыўных прававых актаў аб прафілактыцы правапарушэнняў, парадку аказання садзейнічання ў бытавым і працоўным уладкаванні вызваленым асобам, нельга прызнаць здавальняючымі», — паведамілі ў Генпракуратуры Беларусі.

З 1662 чалавек, вызваленых ад пакарання ў выглядзе пазбаўлення волі па амністыі, 427 асобаў (25,7%) ізноў здзейснілі 499 злачынстваў. Узровень рэцыдываў сярод непаўналетніх яшчэ вышэйшы — з 87 вызваленых паўторныя злачынствы здзейснілі 40 чалавек, або 46%. Гэта звязана з тым, што на практыцы органы ўнутраных спраў рэалізуюць толькі ўлікова-рэгістрацыйны аспект прафілактычнай дзейнасці, растлумачылі ў Генпракуратуры.

У ходзе праверак супрацоўнікі пракуратуры выявілі шматлікія парушэнні. Асобныя органы ўнутраных спраў Берасцейскай, Гарадзенскай, Мінскай і Магілёўскай абласцей не кантралявалі прыбыццё грамадзянаў, вызваленых з выпраўленчых установаў, да абранага месцы жыхарства. Неаднаразова адміністрацыі выпраўленчых установаў не накіроўвалі альбо накіроўвалі несвоечасова ў адпаведныя органы ўнутраных спраў паведамленні аб вызваленні асуджаных, якія адбывалі пакаранне за цяжкія або асабліва цяжкія злачынствы.

З 247 вызваленых па амністыі ў Мінску на ўлік сталі толькі 13

Праз гэтага вызваленыя несвоечасова станавіліся на прафілактычны ўлік, а часам не станавіліся зусім. Так, з 247 вызваленых, якія выбралі сваім месцам жыхарства Мінск, на прафілактычны ўлік сталі толькі 13. Многім грамадзянам не тлумачылі іх правы і абавязкі ў сувязі з пастаноўкай на такі ўлік.

Рэальна значная прафілактычная праца з вызваленымі асобамі ў кожным чацвертым выпадку (з вызваленымі непаўналетнімі — у кожным другім выпадку) альбо не праводзілася ўвогуле, альбо была неэфектыўнай.

Да прафілактычнай працы з непаўналетнімі злачынцамі органы ўнутраных спраў павінны прыцягваць мясцовыя органы выканаўчай улады, грамадскія аб’яднанні і рэлігійныя арганізацыі для працаўладкавання, аздараўленчага адпачынку і вольнага часу вызваленых непаўнагадовых. Аднак супрацоўнікі інспекцый па справах непаўналетніх АУС Берасцейскай, Гарадзенскай, Гомельскай, Мінскай абласцей (за выключэннем Бярэзінскага РАУС) і Мінску ў падрыхтоўцы такіх прапаноў не прымалі ўдзелу.

Па выніках праведзеных праверак Генпракурор Беларусі ўнёс прадстаўленне міністру ўнутраных спраў Беларусі, у якім прапануе прыняць меры да ліквідацыі і недапушчэнні надалей у дзейнасці органаў унутраных спраў парушэнняў заканадаўства аб прафілактыцы правапарушэнняў. Таксама ён прапануе прыцягнуць да дысцыплінарнай адказнасці службовых асобаў, па віне якіх былі дапушчаныя названыя парушэнні заканадаўства.