Прэзідэнт Літвы Даля Грыбаўскайце лічыць, што перамога Аляксандра Лукашэнкі на прэзідэнцкіх выбарах у Беларусі абмяжуе ўплыў Расіі на Мінск і дазволіць захаваць стабільнасць у суседняй з ЕС краіне. Як паведамляе Reuters са спасылкай на крыніцы ў ЕС, аб гэтым Грыбаўскайце заявіла ў лістападзе, выступаючы перад пасламі краін ЕС у Вільні.
«Апазіцыя несур’ёзная і не мае шанцаў на любых выбарах. Лукашэнка мог бы выйграць, набраўшы 99% галасоў, але ён пераможа толькі з 75%, каб дагадзіць ЕС», — цытуе адзін з прысутных на сустрэчы дыпламатаў словы літоўскага прэзідэнта.Грыбаўскайце, паводле яго слоў, таксама заявіла, што Лукашэнка з’яўляецца гарантам палітычнай і эканамічнай стабільнасці Беларусі, а таксама яе незалежнасці, перадае Корреспондент.net. Яна адзначыла, што перамога Лукашэнкі была б пераважнай, нягледзячы на тое, што пры ім дэмакратычныя пераўтварэнні і захаванне правоў чалавека з’яўляецца хутчэй утопіяй.Іншы дыпламат, які прысутнічаў на сустрэчы, пацвердзіў словы першага адносна прамовы Грыбаўскайце, адзначае Reuters.Як вядома, парламент Беларусі прызначыў дату чарговых прэзідэнцкіх выбараў у краіне на 19 снежня 2010 года. У гонцы будзе ўдзельнічаць і Аляксандр Лукашэнка, які адпрацаваў на прэзідэнцкай пасадзе тры тэрміны.2 лістапад міністры замежных спраў Германіі і Польшчы прыбылі ў Мінск, каб заклікаць улады Беларусі правесці прэзідэнцкія выбары ў адпаведнасці з дэмакратычнымі стандартамі. Кіраўнік МЗС Нямеччыны Гідо Вэстэрвеле заявіў, што выбары стануць тэстам Беларусі на дэмакратычнасць.
