За студзень-ліпені 2010 года прыбытак ААТ "ААБ Беларусбанк" склаў 241 млрд. рублёў (80,3 млн. даляраў), што ў 1,3 раза, або на 61 млрд. рублёў (20,3 млн. даляраў) больш за прыбытак, атрыманы за аналагічны перыяд 2009 года, калі ён склаў 180 млрд. рублёў (60 млн. даляраў). Рэнтабельнасць дзейнасці «Беларусбанка» склала 8%, пра гэта паведамілі ў прэс-службе банка.
На 1 жніўня 2010 года нарматыўны капітал ААТ «АСБ Беларусбанк» склаў 3,54 трлн. рублёў (1,18 млрд. даляраў), павялічыўшыся з пачатку года на 251 млрд. рублёў (83,6 млн. даляраў). Статутны фонд не змяніўся і склаў 2,289 трлн. рублёў (763 млн. даляраў). Рэсурсная база банка склала 42,6 трлн. рублёў (14,2 млрд. даляраў), павялічыўшыся на 24,7%, або на 8,4 трлн. рублёў (2,8 млрд. даляраў), перадае БелаПАН.
Аб’ём сродкаў юрыдычных асобаў з пачатку года павялічыўся на 26,5 млрд. рублёў (8,8 млн. даляраў) і склаў 12,6 трлн. рублёў (4,2 млрд. даляраў). Аб’ём рэсурсаў, прыцягнутых шляхам размяшчэння аблігацыяў сярод юрыдычных асобаў, склаў 949 млрд. рублёў (316 млн. даляраў), у тым ліку: 665 млрд. рублёў (221 млн. даляраў) і 95 млн. даляраў.
Аб’ём сродкаў фізічных асобаў з улікам налічаных адсоткаў павялічыўся на 21,7%, або на 2,3 трлн. рублёў (766 млн. даляраў), склаўшы 12,7 трлн. рублёў (4,2 млрд. даляраў). З дапамогай аблігацыяў для фізічных асобаў было прыцягнута 527 млрд. рублёў (175 млн. даляраў), з іх 75 млрд. рублёў, 102 млн. даляраў ЗША і 39 млн. еўра.
Крэдытны партфель кліентаў банка склаў 34,4 трлн. рублёў (11,5 млрд. даляраў), павялічыўшыся на 18%, або на 5,2 трлн. рублёў (1,7 млрд. даляраў). Крэдытны партфель юрыдычных асобаў за справаздачны перыяд павялічыўся на 14%, або на 2,6 трлн. рублёў (860 млн. даляраў), да 21 трлн. рублёў (7 млрд. даляраў). Крэдытны партфель фізічных асобаў вырас на 24,7%, або на 2,7 трлн. рублёў (900 млн. даляраў), склаўшы 13,4 трлн. рублёў (4,4 млрд. даляраў). Запазычанасць фізічных асобаў па льготных крэдытах, выдадзеных у адпаведнасці з указамі прэзідэнта № № 185, 75 і 368, склала 10,6 трлн. рублёў (3,5 млрд. даляраў).
Запазычанасць «Беларусбанка» перад замежнымі банкамі і фінансавымі кампаніямі па «звязаных» замежных крэдытных рэсурсах павялічылася на 106 млн. даляраў, склаўшы 318 млн. даляраў, па постфінансаванні (уключаючы перадэкспартнае фінансаванне) знізілася на 27 млн. даляраў да 275 млн. даляраў.