У 2010 годзе 22,4 тыс., або 11,8%, працаўнікоў прамысловых прадпрыемстваў Мінску па ініцыятыве наймальніка працавалі ў рэжыме вымушанай няпоўнай занятасці: 10,8 тыс. чалавек (48,3%) працавалі няпоўны працоўны час, яшчэ 11,6 тыс. (51,7%) — знаходзіліся ў вымушаных адпачынках. Пра гэта паведамілі ў Галоўным статыстычным упраўленні Мінску.
31,8% рабочых, якія вымушана сышлі ў адпачынак, не атрымалі ніякай грашовай кампенсацыі, перадае БелаПАН.
Разам з тым, у 2009 годзе няпоўны працоўны час на прамысловых прадпрыемствах Мінску працавалі ў 4,2 раза больш людзей, а ў адпачынак па ініцыятыве наймальніка сышлі ў 2,2 раза больш.
Як раней перадаваў Тэлеграф, узровень беспрацоўя ў Беларусі ў верасні 2010 года складаў 0,9%. Прагнозны паказчык па ўзроўні беспрацоўя да канца 2010 года быў 1,2-1,5%.
