Міністр адукацыі Беларусі Аляксандр Радзькоў, які з'яўляецца кіраўніком ініцыятыўнай групы дзейнага кіраўніка дзяржавы Аляксандра Лукашэнкі, на час перадвыбарчай кампаніі сыходзіць у адпачынак з асноўнага месца працы. "Як кіраўнік ініцыятыўнай групы ў адпаведнасці з заканадаўствам з 1 кастрычніка я сыходжу ў адпачынак", — распавёў Аляксандр Радзькоў.
«У адпачынку я планую займацца арганізацыйнай працай: правядзеннем збору подпісаў, зносінамі з даверанымі асобамі, агітацыяй. Усімі тымі пытаннямі, якія неабходна вырашаць кіраўніку ініцыятыўнай групы па вылучэнні кандыдата ў прэзідэнты», — падкрэсліў Аляксандр Радзькоў, перадае БелТА.
У планах міністра адукацыі таксама праца ў працоўных калектывах, з грамадзянамі Беларусі і іх зваротамі. «Мы разумеем, што людзі бачаць працу дзейнага прэзідэнта, вераць яму, бачаць дынаміку развіцця краіны, і мы ўпэўненыя, што грамадзяне падтрымаюць нас», — адзначыў Аляксандр Радзькоў.
Як раней паведамляў Тэлеграф, у склад ініцыятыўнай групы па вылучэнні Аляксандра Лукашэнкі кандыдатам у прэзідэнты Беларусі ўключаны 8403 чалавекі.
