Пастаянны прадстаўнік Расіі пры Еўрасаюзе Уладзімір Чыжоў заявіў, што Маскве, як і Брусэлю, не падабаецца тое, што адбываецца ў цяперашні час у Беларусі. "І мы адкрыта пра гэта кажам, у тым ліку і напрамую нашым беларускім калегам і сябрам", — адзначыў расійскі дыпламат.
Разам з тым, на думку расійскага боку, шлях накладання на Беларусь санкцый, які выбралі Еўропа і ЗША для аказання ціску на ўлады краіны, з’яўляецца контрпрадуктыўным, перадае «Інтэрфакс».
«Шлях абмежавальных мер — гэта не той шлях, па якім трэба ісці», — сказаў Уладзімір Чыжоў.
Як раней паведамляў Тэлеграф, 22 лютага ў судзе Маскоўскага раёна Мінска пачаўся працэс над двума расійскімі грамадзянамі Арцёмам Брэусам і Іванам Гапонавым, якія абвінавачваюцца ва ўдзеле ў масавых беспарадках на плошчы Незалежнасці ў Мінску ў дзень выбараў прэзідэнта Беларусі 19 снежня 2010 года. Сваю віну на судзе расійцы не прызналі.
Па выніках заслухоўвання паказанняў падсудных, сведкаў-міліцыянтаў, а таксама прагляду відэа- і фотаматэрыялаў справы, суд па просьбе боку абвінавачвання адклаў яго разгляд да 1 сакавіка. За гэты час дзяржабвінаваўца мае намер прад’явіць грамадзянам Расіі новае абвінавачванне, аднак будзе яно больш жорсткім ці мяккім, пакуль невядома.
