Федэральная служба па ветэрынарным і фітасанітарным наглядзе Расіі (Рассельгаснагляд) ўводзіць з 25 чэрвеня часовыя абмежаванні на пастаўкі малочнай прадукцыі чатырох беларускіх прадпрыемстваў. У паведамленні Рассельгаснагляду гаворыцца, што абмежаванні на пастаўкі малочнай прадукцыі з Беларусі прынялі ў сувязі з неаднаразовымі выяўленняямі ў ёй антыбіётыкаў тэтрацыклінавай групы.
Рассельгаснагляд часова абмежаваў пастаўкі з ААТ «Барысаўскі малочны камбінат», ААТ «Асіповіцкі малочны камбінат», ААТ «Бярозаўскі сыраробны камбінат», ААТ «Бабушкина крынка».
Адначасова з гэтым Рассельгаснагляд адмяніў рэжым ўзмоцненага лабараторнага кантролю за прадукцыяй сямі беларускіх прадпрыемстваў (ААТ «Слуцкі сыраробны камбінат», ААТ «Малако», ААТ «ГХЗ № 1», ААТ «Мсціслаўскі масларобна-сыраробны завод», ААТ «Верхнядзвінскі масласырзавод», ААТ «Капыльскі масласырзавод», Халапеніцкі філіял ААТ «Барысаўскі малочны камбінат»).
У паведамленні Рассельгаснагляду гаворыцца, што адбор пробаў прадукцыі вышэй названых беларускіх прадпрыемстваў будзе ажыццяўляцца ў рамках маніторынгавых даследаванняў.
