Расія і Беларусь плануюць абмеркаваць аб'ёмы і тэрміны магчымых паставак беларускай агародніны (у прыватнасці бульбы, морквы і цыбулі) у Маскву. Пра гэта намесніца кіраўніка Дэпартаменту харчовых рэсурсаў Масквы Мікалай Карабейнік паведаміў 4 жніўня на перамовах з міністэрствам сельскай гаспадаркі і харчавання Беларусі.
Мікалай Карабейнік паведаміў, што Дэпартамент плануе ў поўным аб’ёме забяспечыць патрэбы Масквы ў асноўных відах харчавання. З бюджэту выдзяляюцца сродкі на закупку харчавання для сацыяльнай сферы, а таксама субсідуюцца пастаўкі асноўных відаў харчавання. У сувязі з гэтым расійскі бок хацеў бы арганізаваць пастаўкі беларускай гародніны. Так, Масква гатовая закупіць 40 тыс. тон беларускай бульбы.
У сваю чаргу, беларускі бок гатовы аказаць садзейнічанне ў харчовым забеспячэнні Масквы, паведамілі ў міністэрстве сельскай гаспадаркі і харчавання. Беларусь гатовая прадаць свабодныя рэсурсы бульбы і гародніны за мяжу, распавяла першая намесніца міністра сельскай гаспадаркі і харчавання Беларусі Надзея Каткавец. Па папярэдніх падліках, свабодныя рэсурсы бульбы складуць 200 — 260 тыс. тон.
Па словах прадстаўніка міністэрства, Беларусь ужо заключыла шэраг буйных дамоваў на пастаўку гародніны. Так, у Татарстан плануецца арганізаваць пастаўку каля 100 тыс. тон харчовай бульбы.
