У прэс-службе УУС Гродзенскага аблвыканкама паведамілі, што ў Лідзе супрацоўнікі праваахоўных органаў затрымалі ўцёклага з-пад канвою рэцыдывіста. Злачынцу злавілі 13 сакавіка а 01:30 пры правядзенні комплексу вышуковых мерапрыемстваў у мікрараёне Слабада райцэнтра. Ён хаваўся ў каналізацыйным калектары.
Па словах супрацоўнікаў праваахоўных органаў, злачынцу змясцілі ў ізалятар часовага ўтрымання Лідскага РАУС. Ва УУС адзначылі, што стан яго здароўя з’яўляецца здавальняючым. Да ўцёкаў яму была зроблена апендэктамія.
Анатоль Кудзелка здзейснілі ўцёкі 11 сакавіка каля 05:00 з хірургічнага аддзялення гарадской лякарні, дзе яго ахоўвалі два супрацоўнікі міліцыі. Злачынец абвінавачваецца ў здзяйсненні рабавання, раней быў неаднаразова асуджаны, паведамляе БелТА.
З прычыны ўцёкаў узбудзілі крымінальную справу па ч.1 арт.413 («Уцёкі з выпраўленчай установы, якая здзяйсняе пакаранне ў выглядзе пазбаўлення волі, арыштнай хаты ці з-пад варты») КК Беларусі. Дадзены артыкул прадугледжвае пазбаўленне волі на тэрмін да трох гадоў.