Амерыканская кураціна, апрацаваная хлорам, працягвае паступаць у Расію праз краіны Мытнага саюза пад выглядам прадукцыі гэтых дзяржаў. Пра гэта паведаміў галоўны дзяржаўны санітарны лекар Расіі Генадзь Анішчанка.
«Хацелася б адзначыць інфармацыю, якая насцярожвае нас, якую мы атрымалі з дакладных крыніц, аб тым, што робяцца спробы праз трэція краіны завезці нам кураціну амерыканскіх вытворцаў, апрацаваную хлорам, перапакаваную пад вытворцаў трэціх краін», — цытуе Генадзя Анішчанку РИА «Новости».
«Значныя прынцыповыя паслабленні, якія мы сёння маем у рамках Мытнага саюза, палягчаюць магчымасці такога завозу ў нашу краіну», — дадаў галоўны санітарны лекар Расіі.
Пры гэтым Генадзь Анішчанка не ўдакладніў, пра якую краіну Мытнага саюза ідзе гаворка, што дазваляе падазраваць Беларусь і Казахстан адначасова.
