Рост ВУП Беларусі за год склаў 7,6% пры прагнозе ў 11-13%

12.01.2011 09:10
Архив Редакция

Валавы ўнутраны прадукт Беларусі ў 2010 годзе вырас на 7,6% у параўнанні з 2009 годам і склаў 163 трлн. рублёў (53,443 млрд. даляраў). Кіраўніцтва дзяржавы прагназавала яго павелічэнне на 11-13%. Падобная сітуацыя назіралася і ў 2009 годзе, калі ВУП краіны вырас на 0,2% пры гадавым прагнозе ў 10-12%.

Аднак выпуск прамысловай прадукцыі за 2010 год у параўнанні з 2009 годам павялічыўся на 13,3% і склаў 161,9 трлн. рублёў (53,082 млрд. даляраў), у той час як планавалася павялічыць прамвытворчасць на 10-12%, паведамляе АФН са спасылкай на дадзеныя Белстата.

Аб’ём вытворчасці сельскай гаспадаркі вырас на 2% да 30,8 трлн. рублёў (10,02 млрд. даляраў). Інвестыцыі ў асноўны капітал павялічыліся на 16,6% — яны склалі 54,2 трлн. рублёў (17,77 млрд. даляраў). Раздробны таваразварот павялічыўся на 17,1% да 69,7 трлн. рублёў (22,852 млрд. даляраў).

Інфляцыя за 2010 год склала 9,9%

У канцы 2010 года індэкс спажывецкіх цэн на тавары і паслугі ў Беларусі склаў 109,9% у параўнанні з канцом 2009 года. Па дадзеных Нацыянальнага статыстычнага камітэту, у снежні 2010 года інфляцыя пакінула 1%, перадае БелТА.

У параўнанні з 2009 годам (тады інфляцыя склала 10,1%) дадзены паказчык знізіўся на 0,2%; планавалася, што на 2010 год ён будзе будзе складаць 8-10%. На 2011 год прагназуецца інфляцыя ў 7,5-8,5%, што прадугледжана асноўнымі напрамкамі грашова-крэдытнай палітыкі Беларусі на дадзены перыяд.

Індэкс коштаў вытворцаў прампрадукцыі ў снежні 2010 года склаў 101,1% да лістапада 2010 года. Кошты на інвестыцыйныя і спажывецкія тавары выраслі на 1%, на прамежкавыя — 1,2%.

Кошты на харчаванне павялічыліся на 1,6% у параўнанні з лістападам 2010 года і на 13,1% — з снежнем 2009 года. Нехарчовыя тавары ў снежні 2010 года ў параўнанні з лістападам падаражэлі на 0,4%, у параўнанні з снежнем 2009 года — на 7,4%.

Цэны і тарыфы на платныя паслугі ў снежні 2010 года ў параўнанні з лістападам выраслі на 0,3%, з снежнем 2009 года — на 6%.

На канец 2010 года ў краіне было зарэгістравана 33,1 тыс. беспрацоўных, т. е. 0,7% эканамічна актыўнага насельніцтва. У адносінах да 2010 года гэты паказчык склаў 82,1%.