Старшыня Савета Рэспублікі Нацыянальнага Сходу Анатоль Рубінаў выказаў сваё меркаванне наконт фільма пра прэзідэнта Аляксандра Лукашэнку, паказанага па адным з расійскіх тэлеканалаў. У прыватнасці, у акадэміка выклікаюць абурэнне "бесперапынныя грубыя медыйныя атакі на прэзыдэнта, на нашу краіну", якія спікер верхняй палаты назваў "паклёпам і абразай ўсяго беларускага народа, недапушчальным хамствам, непрыкрытым імперскім ціскам на суверэнную краіну".
«Такая ступень бесцырымоннасці і агрэсіўнасці кіруючых расійскіх палітыкаў, якія рэжысуюць гэтыя гнюсныя атакі, выклікае значна больш моцныя пачуцці, чым здзіўленне. Напрыклад, цалкам прагматычнае пытанне: а ці трэба нам наогул супрацоўнічаць з падобнага роду «каналамі», якія паставілі сабе за мэту цкаванне і прыніжэнне беларусаў?», — піша Анатоль Рубінаў ў матэрыяле, апублікаваным на старонках газеты «СБ — Беларусь Сегодня».
На думку палітыка, няправільна, калі «дзеля дасягнення вельмі эфемерных палітычных мэтаў у ход пускаюць такую «зброю масавага паражэння», як адначасовая газава-тэлевізійная атака».
