Румас: крэдыты Расіі дапамогуць Беларусі "жыць па сродках"

31.03.2011 16:06
Архив Редакция

Намеснік прэм'ер-міністра Беларусі Сяргей Румас 31 сакавіка заявіў, што крэдыт, які беларускі бок запрасіў у Расіі, дазволіць Беларусі стрымліваць ўнутраны сукупны попыт і "жыць па сродках". "Калі ж гэтага не адбудзецца, эканамічная сітуацыя ў краіне будзе развівацца ў" негатыўным напрамку", - канстатаваў ён.

Сяргей Румас паведаміў, што ў бліжэйшы час Беларусь прапануе расейскаму боку ўсю інфармацыю, неабходную для атрымання крэдытаў. Пасля гэтага бакі правядуць перамовы з нагоды паўнаты прадстаўленых звестак, перадае БелТА.
Датычна умоў, якія расійскі бок выстаўляе для прадастаўлення крэдыту, Сяргей Румас адзначыў, што прадугледжваецца ўзмацненне жорсткасці грашова-крэдытнай, бюджэтна-падатковай палітыкі, а таксама некаторыя структурныя рэформы і зніжэнне аб’ёмаў фінансавання дзяржаўных праграм у 2011 годзе.
Румас: пераглядаць прагнозны ўзровень інфляцыі няма неабходнасці
Сяргей Румас таксама заявіў, што ў цяперашні час няма падстаў для перагляду прагнознага ўзроўню інфляцыі ў 2011 годзе. Паводле яго слоў, улады краіны будуць рабіць усё неабходнае, каб выйсці на зацверджаныя раней параметры.
Паводле афіцыйнай статыстыкі, у лютым інфляцыя ў Беларусі была вышэй за сярэднегадавую, у сакавіку сітуацыя палепшылася, але чакаецца, што яна па-ранейшаму будзе вышэй за сярэднегадавы ўзровень. Паводле слоў віцэ-прэм’ера, гэта шмат у чым звязана з ростам тарыфаў на паслугі ЖКГ. Аднак прагназаваць гадавую інфляцыю ў цяперашніх умовах даволі складана, бо як усё будзе залежаць ад валютных абмежаванняў на рынку, адзначыў Сяргей Румас. «Бо сёння ніхто з экспертаў не можа сказаць, як гэта адаб’ецца на рэальным сектары эканомікі», — падкрэсліў ён.
Віцэ-прэм’ер таксама звярнуў увагу на тое, што многія вытворцы сёння закладваюць відавочна завышаны курс беларускага рубля ў цану тавару. У сувязі з гэтым, па словах Сяргея Румаса, ураду, хутчэй за ўсё, прыйдзецца прымаць дадатковыя меры для стрымлівання інфляцыі.