Старшыня камісіі па праблемах чарнобыльскай катастрофы, экалогіі і прыродакарыстання Палаты прадстаўнікоў Міхаіл Русы заявіў 22 сакавіка пра тое, што прадстаўнікі апазіцыі выяўляюць слабасць, адмаўляючыся ад удзелу ў мясцовых выбарах. Такую заяву дэпутат зрабіў, каментуючы здыманне апазіцыйнымі партыямі сваіх прадстаўнікоў з удзелу ў выбарах дэпутатаў мясцовых саветаў.
Па словах Міхаіла Русага, апазіцыя неабгрунтавана заяўляе пра абмежаванне правоў на ўдзел у выбарах. «З улікам дыялогу Беларусі з Еўрасаюзам былі занесены змены ў выбарчае заканадаўства, якія адкрылі новыя магчымасці ўдзелу ў выбарах», — цытуе БелаПАН словы старшыні камісіі па праблемах чарнобыльскай катастрофы.
Міхаіл Русы лічыць, што беларуская апазіцыя «не хоча трываць паразу ў адкрытым бою». «Яны вырашылі, што лепш падняць рукі і здацца, а затым казаць, што добра ваявалі. Дрэнна ваююць», — падкрэсліў дэпутат.
Раней паведамлялася, што 21 сакавіка з’езд Аб’яднанай Грамадзянскай Партыі прыняў рашэнне адмовіцца ад удзелу ў выбарах у мясцовыя рады.
