У сераду, 20 красавіка, з некаторых станцый сталічнага метро зніклі лаўкі. Так, раніцай пасажыры не знайшлі іх на станцыях "Кунцаўшчына", "Плошча Перамогі", "Інстытут культуры" і некаторых іншых. У адміністрацыі дзяржаўнага прадпрыемства "Мінсктранс" Тэлеграфу не паведамілі прычынаў знікненьня лавак.
«Я вам гэтага не скажу, гэта не ў «Мінсктранс» тэлефанаваць трэба, а ў метрапалітэн», — сказала намесніца генеральнага дырэктара прадпрыемства Ірына Даноўская.
У адміністрацыі мінскага метрапалітэна адмовіліся каментаваць дадзеную інфармацыю. У Міністэрства транспарту і камунікацый карэспандэнту Тэлеграфа датэлефанавацца не ўдалося.
Як ужо паведамляў Тэлеграф, 11 красавіка на станцыі метро «Кастрычніцкая» быў здзейснены тэракт. Пры гэтым выбухная прылада было змешчана пад лаўку ці каля яе.
