Беларусь завяршае цяперашнюю пяцігодку з высокімі тэмпамі эканамічнага развіцця, заявіў 23 снежня на ўручэнні дзяржаўных узнагарод заслужаным людзям краіны прэм'ер-міністр Беларусі Сяргей Сідорскі. "Гэтыя тэмпы ўражваюць", — адзначыў кіраўнік урада.
Па словах Сяргея Сідорскага, нямноія краіны маюць такія тэмпы эканамічнага развіцця, як Беларусь. «Такія вынікі — важкі аргумент на карысць правільнасці і жыццястойкасці эканамічнай палітыкі, якая праводзіцца ў Беларусі», — цытуе беларускага прэм’ера БелТА.
У той жа час развіццё сусветнай эканомікі, урокі фінансавага крызісу запатрабавалі новых ідэй, заявіў Сяргей Сідорскі. «Нам неабходна будзе прыкласці яшчэ больш намаганняў, чым мы прыкладалі ў гэтай пяцігодцы», — падкрэсліў прэм’ер-міністр, дадаўшы, што ў Беларусі ёсць патэнцыял для руху па такім шляху.