Сяргей Сідорскі: Беларуская эканоміка — гатовая пляцоўка для інвестыцый

17.11.2010 15:33
Архив

Кіраўніцтва Беларусі актыўна працуе над стварэннем спрыяльнага інвестыцыйнага клімату ў краіне. Пра гэта 17 лістапада, выступаючы на Беларускім інвестыцыйным форуме ў Франкфурце-на-Майне (Германія), заявіў прэм'ер-міністр Беларусі Сяргей Сідорскі. Як вынік, «беларуская эканоміка - гэта падрыхтаваная пляцоўка для прыцягнення інвестыцый», - адзначыў ён.

Як стала вядома карэспандэнту Тэлеграфа, у Беларусі ўжо дзейнічае больш за 5 тыс. арганізацый з замежным капіталам. Асноўнымі іх уладальнікамі з’яўляюцца рэзідэнты Германіі, Польшчы, Вялікабрытаніі і краін Балтыі, паведаміў Сяргей Сідорскі.

На яго думку, дзякуючы антыкрызісным мерам беларускія ўлады здолелі не дапусціць тых тэмпаў падзення эканомікі, якія былі зафіксаваныя ў іншых постсавецкіх краінах. «Да канца 2009 года атрымалася спыніць крызісныя працэсы», — паведаміў ён.

Як заявіў беларускі прэм’ер, у Беларусі, нягледзячы на крызіс, удалося захаваць рост ВУП пры адначасовым валавым зніжэнні спажывання энергарэсурсаў. Акрамя таго, толькі ў малых гарадах было створана больш за 120 тыс. новых працоўных месцаў, а па ўзроўні будаўніцтва жылля Беларусь наогул з’яўляецца лідарам сярод краін СНД, паведаміў Сяргей Сідорскі.

У той жа час, паводле яго слоў, «найважнейшым нацыянальным рэсурсам быў і застаецца чалавечы фактар». У прыватнасці, па індэксе развіцця чалавечага патэнцыялу Беларусь заняла 61-е месца, падняўшыся за год на сем пунктаў і апярэдзіўшы ўсе краіны СНД.