З 15 студзеня ў Беларусі павышаюцца раздробныя кошты на цыгарэты, што вырабляюцца гарадзенскай тытунёвай фабрыкай "Нёман". Аб гэтым праінфармавалі 14 студзеня ў міністэрстве эканомікі Беларусі.
Адпаведнае рашэнне прынята пастановай мінэканомікі ад 10 студзеня 2011 года № 3 «Аб унясенні зменаў і дапаўненняў у пастанову Міністэрства эканомікі Рэспублікі Беларусь ад 29 сакавіка 2010 года № 61» у мэтах кампенсацыі росту акцыза на тытунёвую прадукцыю, паведамілі ў эканамічным ведамстве.
Як раней паведамляў Тэлеграф, міністэрства эканомікі Беларусі прыняло пастанову ад трэцяга студзеня № 1 «Аб унясенні зменаў у пастанову Міністэрства эканомікі Рэспублікі Беларусь ад 18 жніўня 2010 года № 126». Дадзеным дакументам з 12 студзеня на 5% павышаюцца цэны на моцныя алкагольныя напоі.
