Снапкоў: банкі не спраўляюцца з ростам эканомікі

27.07.2010 15:48
Архив Редакция

Рост крэдытавання эканомікі ў Беларусі ідзе недастатковымі тэмпамі і гэтаму росту перашкаджае наяўная сітуацыя ў банкаўскай сістэме краіны. Пра гэта заявіў міністр эканомікі Беларусі Мікалай Снапкоў. "На думку мінэканомікі, наяўная ў банкаўскай сферы сітуацыя патрабуе прыняцця мераў па павелічэнні крэдытавання рэальнага сектару, у першую чаргу, для рэалізацыі інвестыцыйных праектаў", - сказаў міністр.

«Бо праз росту знешняй дэбіторскай запазычанасці беларускія прадпрыемствы вымушаныя звяртацца да банкаўскіх крэдытаў на падтрымку зваротных сродкаў на шкоду рэалізацыі інвестпраектаў», — адзначыў Мікалай Снапкоў.

Пры гэтым кіраўнік мінэканомікі адзначыў, што па той жа прычыне павялічваецца аб’ём крэдытавання, паведамляе «Фінмаркет». Мікалай Снапкоў паведаміў, што ў першым паўгоддзі 2010 года рост банкаўскіх патрабаванняў да эканомікі склаў 12,6% пры запланаваным росце на 36-40% па выніках года.

Недахоп доўгатэрміновага крэдытавання кіраўнік мінэканомікі разглядае як адну з прычынаў недавыканання планавых тэмпаў росту інвестыцыяў у асноўны капітал. «Планавалася, што ў першым паўгоддзі прырост інвестыцыяў складзе 15%, а на справе ён склаў толькі 4%», — расказаў Мікалай Снапкоў.

Паводле дадзеных міністэрства эканомікі, пратэрмінаваная знешняя дэбіторская запазычанасць Беларусі з пачатку года вырасла ў 1,3 разы і склала 1,55 трлн. рублёў (518 млн. даляраў). «Гэтая сума супастаўная з пратэрмінаваным доўгам па крэдытах і пазыках, рост якой за першае паўгоддзе склаў 17,5%», — канстатаваў міністр эканомікі.