Міністр эканомікі Мікалай Снапкоў на Міжнародным форуме судзейскай супольнасці па пытаннях судовай абароны правоў заявіў, што для далейшай мадэрнізацыі эканамічных адносін у краіне неабходны працяг лібералізацыі. «Асноўнае — гэты працяг палітыкі разумнага зніжэння ролі дзяржавы ў эканоміцы, паступовага вывядзення яго са сферы гаспадарчага кіравання», — адзначыў ён.
У той самы час, па словах міністра, улады не адмаўляюцца ад планавання эканомікі. «Гэта дазволіць гарманізаваць бізнэс-планы развіцця прадпрыемстваў са стратэгічнымі мэтамі дзяржавы на аснове індыкатараў, якія адлюстроўваюць першым чынам эфектыўнасць вытворчасці», — цытуе БелТА словы Мікалая Снапкова.
Міністр эканомікі лічыць, што такі падыход запатрабуе змены матывацыйных механізмаў у Беларусі, адэкватнай сістэмы ўзнагароды за высокапрафесійную працу. На сённяшні дзень інтэгравальнай пазіцыяй у бліжэйшай працы па мадэрнізацыі беларускай эканомікі з’яўляецца мэта ўвайсці ў трыццатку краін з найлепшымі ўмовамі для вядзення бізнэсу. Як адзначыў Мікалай Снапкоў, Беларусь досыць актыўна прасоўваецца ў гэтым рэйтынгу Сусветнага банка.
Найболей сур’ёзная задача, якая стаіць перад краінай у дадзеным кірунку, па словах міністра, — гэта радыкальнае ўдасканаленне сістэмы падаткаабкладання. «Міністэрства эканомікі аналізуе сітуацыю ў падатковай палітыцы, якая склалася», — заявіў Мікалай Снапкоў.
Міністр адзначыў, што сёння час дыктуе неабходнасць пераходу да «арганічнай мадэрнізацыі», дзе галоўнай рухаючай сілай з’яўляюцца чалавек, ініцыятыва, прадпрымальніцтва.
