У Рэспубліканскім гідраметэацэнтры паведамілі 25 сакавіка, што ў бліжэйшыя дні тэмпература паветра ў Беларусі будзе павялічвацца. У прыватнасці, ужо ў пятніцу, 26 сакавіка, па паўднёвым захадзе краіны паветра прагрэецца да +17 градусаў, а ў суботу, 27 сакавіка, у асобных паўднёва-заходніх раёнах тэмпература паветра можа дасягнуць +19 градусаў.
«У пятніцу, 26 сакавіка, чакаецца хмарная з распагоджаннямі надвор’е. Уначы істотных ападкаў не чакаецца, а раніцай і днём месцамі па краіне пройдуць невялікія дажджы. У ранішнія гадзіны ў асобных раёнах будзе ўзнікаць слабая смуга. Вецер паўднёвы ўмераны. Тэмпература паветра ўначы складзе +1..+6°С, па ўсходзе 0..-2°С, днём паветра будзе прагравацца да +6..+12°С, па паўднёвым захадзе да +17°С», — паведамляе Белгідраметцэнтр.
У суботу, 27 сакавіка, праз тэрыторыю Беларусі чакаецца зрушэнне халоднай франтальнай часткі цыклона з цэнтрам над поўднем Балтыкі. Уначы па паўночным усходзе, а днём па заходняй палове рэспублікі пройдуць кароткачасовыя дажджы. Днём месцамі магчымыя навальніцы. Вецер паўднёвай чвэрці парывісты, днём у асобных раёнах моцны парывісты. Тэмпература паветра ўначы будзе вагацца ад +1°С па паўднёвым усходзе да +9°С па захадзе, днём складзе +9..+16°С, у паўднёва-заходніх раёнах да +19°С, — распавялі сіноптыкі.
«У нядзелю, 28 сакавіка, са зрушэннем франтальных частак з Заходняй Еўропы пачне паступаць больш прахалодная паветраная маса з Балтыйскага мора. Уначы на большай частцы, а днём месцамі па краіне чакаюцца кароткачасовыя дажджы. Вецер паўднёвы, паўднёва-заходні парывісты. Тэмпература паветра ўначы +2..+7°С, днём +6..+13°С», — адзначылі ў Белгідрамеце.
