Каб эканоміць сродкі на падрыхтоўку спартоўцаў, у Беларусі вырашана праводзіць іх адбор на аснове тэстаў ДНК. Тэст-сістэмы, якія дазваляюць на генным узроўні вызначаць здольнасць да таго ці іншага віду спорту, распрацаваны Інстытутам біяарганічнай хіміі Нацыянальнай акадэміі навук.
Як паведамляе «Ежедневник», тэсты ўжо прайшлі выпрабаванні і пачалі выпускацца прамыслова. Па словах супрацоўнікаў інстытуту, праведзеныя імі даследаванні на ўзроўні камандаў Беларусі паказалі, што можна з вельмі высокай ступенню пэўнасці прадказаць, якія юныя спартоўцы будуць перспектыўнымі ў пэўным відзе спорту, а якія — не.
ДНК-дактыласкапія ўяўляе сабою метад, які выкарытсоўваецца ў судова-медыцынскай экспертызе для ідэнтыфікацыі твараў на аснове ўнікальнасці паслядоўнасцяў ДНК індывіда. Метад быў адкрыты ў 1984 годзе брытанскім генетыкам Алекам Джэффрызам. Разглядаючы рэнтгенаўскія здымкі ДНК, ён выявіў, што ДНК розных людзей маюць унікальныя паслядоўнасці нуклеатыдаў. Паслядоўнасці ДНК канкрэтнага чалавека складаюць ягоны ДНК-профіль ці генетычны пашпарт, які можна выкарыстоўваць для ідэнтыфікацыі асобы.