Крымінальную справа па факце нападу на расійскую амбасаду ў Мінску перакваліфікавалі ў больш цяжкае злачынства. Як паведаміў начальнік аддзелу інфармацыі і грамадскіх сувязяў ГУУС Мінгарвыканкама Аляксандр Ластоўскі, у цяперашні час расследаванне дадзенага злачынства вядзецца па артыкуле "падпал".
Раней прадстаўнікі МУС казалі, што крымінальная справа ўзбуджана па артыкуле «хуліганства». Паводле Крымінальнага кодэксу Беларусі, максімальнае пакаранне за хуліганства — тры гады пазбаўлення волі. За падпал — да васьмі гадоў турэмнага зняволення.
Акрамя таго, Аляксандр Ластоўскі пацвердзіў інфармацыю аб тым, што супрацоўнікі сілавых структур затрымалі шасцярых актывістаў анархістскі рухаў, якіх падазраюць у датычнасці да інцыдэнту каля расійскай амбасады. Сярод затрыманых — Ігар Багачак, Сяргей Слюсар, Мікалай Дзядок, Валерыя Хоціна, Аляксандр Францкевіч, Аляксей Жынгероўскі, перадае «n#####n».
Усе затрыманыя знаходзяцца ў следчым ізалятары на вуліцы Акрэсціна. Максімальны тэрмін затрымання без прад’яўлення абвінавачання ў Беларусі складае 72 гадзіны. Пракурор можа падоўжыць гэты тэрмін да дзесяці сутак. Як паведамілі Аляксандр Ластоўскі, у цяперашні момант высвятляецца дачыненне затрыманых як да інцыдэнту ля амбасады, так і да іншых супрацьпраўных дзеянняў.
Як раней паведамляў Тэлеграф, 30 жніўня, ўвечары невядомыя кінулі на тэрыторыю расійскага пасольства ў Мінску 2 бутэлькі з запальнай сумессю. У выніку інцыдэнту ніхто не пацярпеў. Адна бутэлька трапіла ў прыпаркаваны на тэрыторыі амбасады аўтамабіль, але ахова пасольства справілася з пажарам самастойна.
Па факце здарэння была ўзбуджана крымінальная справа па артыкуле «хуліганства». 2 верасня ў інтэрнэце з’явілася заява, у якой адказнасць за дадзены інцыдэнт ўзяла на сябе анархісцкую групоўка пад назвай «Сябры Свабоды». Як паведамлялася ў заяве, інцыдэнт ля амбасады быў акцыяй пратэсту супраць арыштаў у дачыненні да актывістаў, якія выйшлі на абарону Хімкінскага лесу ў Маскве.
А 3 верасня 2010 года са сваіх кватэр былі выкрадзеныя 6 актывістаў анархісцкага руху ў Беларусі. Пра гэта паведамілі знаёмыя зніклых.
