У Мінску 14 сакавіка адбылося пасяджэнне Камісіі Мытнага саюза. "Мы даволі доўга сёння абмяркоўвалі пытанне аб функцыянаванні суда ЕўрАзЭС. Бакі сышліся ў меркаванні, што нам неабходна паскорыць гэтую працу і зацвердзіць даволі шчыльны графік, які дазволіць суду прыступіць да працы, я спадзяюся, з 1 студзеня 2012 года", — заявіў па выніках пасяджэння віцэ-прэм'ер Беларусі Сяргей Румас.
Таксама на пасяджэнні бакі разгледзелі пытанні ўдасканалення працы наднацыянальных органаў. Дадзеную праблему таксама вывучаць кіраўнікі ўрадаў Беларусі, Казахстана і Расіі на пасяджэнні Міждзяржсавета ЕўрАзЭС 15 сакавіка, перадае БелТА.
Як паведамляў Тэлеграф, Беларусь чакае канкрэтных рашэнняў, якія прасунуць стварэнне Адзінай эканамічнай прасторы краін-удзельніц Мытнага саюза. Аб гэтым заявіў прэзідэнт Беларусі Аляксандр Лукашэнка 14 сакавіка на сустрэчы з генеральным сакратаром ЕўрАзЭС Таірам Мансуравым.
