Галоўны трэнер хакейнага клуба "Юнацтва" Міхаіл Захараў адмовіўся праходзіць медыцынскі агляд пасля ДТЗ, якое адбылося 12 чэрвеня на праспекце Пераможцаў у Мінску з удзелам яго Bentley. Згодна з пратаколамі, аформленых супрацоўнікамі ДАІ на месцы ДТЗ, па знешніх прыкметах Міхаіл Захараў, які кіраваў аўто ў момант аварыі, знаходзіўся ў стане ап'янення.
Паколькі і Bentley, і Lexus ў выніку аварыі атрымалі толькі механічныя пашкоджанні, а сярод людзей пацярпелых няма, Міхаіл Захараў скарыстаўся сваім законным правам адмовіцца ад медыцынскага агляду, паведамляе «Ежедневник».
Згодна з беларускім заканадаўствам, кіроўца падлягае абавязковаму медыцынскаму агляду толькі тады, калі ў аварыі пацярпелі людзі. У той жа час Кодэкс аб адміністрацыйных правапарушэннях Беларусі кваліфікуе адмову ад медыцынскага агляду гэтак жа, як кіраванне транспартам у стане ап’янення. У сувязі з гэтым супрацоўнікі ДАІ склалі на Міхаіла Захарава два адміністрацыйныя пратаколы.
Паводле першага пратаколу (арт.18.16, п.1 КаАП), за адмову ад медыцынскага агляду Міхаілу Захараву пагражае пакаранне ў выглядзе пазбаўлення правоў кіравання транспартным сродкам да трох гадоў.
Між тым, як перадаваў Тэлеграф, дзяўчына галоўнага трэнера «Юнацтва» ўзяла віну за ДТЗ на сябе. Па словах дзяўчыны, менавіта яна была за рулём Bentley і не змагла справіцца з кіраваннем аўто. Сам Міхаіл Захараў, як сцвярджае дзяўчына, прыехаў на месца ДТЗ ўжо пасля аварыі.
